Беларускія ЖЖ-суполкі / белорусские ЖЖ-сообщества

Кампанія “За Свабоду” была пачатая грамадзянамі Беларусі, якія вераць, што Свабода гэта падставовая каштоўнасьць, безь якой немагчымае паўнавартаснае і здаровае жыцьцё кожнага чалавека, росквіт нашай Радзімы.

Мы перакананыя, што здрада ідэалам Свабоды, недахоп Свабоды, адыход ад Свабоды непазьбежна прывядзе да дэградацыі нашага грамадзтва. Таму – мы за Свабоду!

Наша мэта – вызваленьне Беларусі ад дыктатуры. Мы не чакаем і дзейнічаем цяпер. Мы – грамадзянская ініцыятыва без начальнікаў і падначаленых, якая працуе праз абмен ідэямі, досьведам і ведамі.

Удзельнікам кампаніі “За Свабоду” можа быць асоба ці група асобаў, якая падзяляе нашыя ідэі і ўдзельнічае ў іх рэалізацыі.

Дзейнасьць кампаніі “За Свабоду” грунтуецца на вашай ініцыятыве. Мы верым у нашыя ўласныя сілы і здольнасьці. Менавіта ад нашых дзеяньняў і ініцыятыўнасьці кожнага прыхільніка свабоды залежыць будучыня Беларусі.

Знаёмьцеся з матэрыяламі, дасылайце свае прапановы і дзяліцеся ідэямі. Далучыцеся да нас і рабіце свабоду сёньня!

Нас з вамі шмат! Мы – ЗА СВАБОДУ!